Tuesday 30 August 2011

သောကဒဏ်ရာ



“ညီလေးမျိုးသူ မျက်နှာကျက်တွေတက်စစ်လိုက်ပါကွာ။ အစ်ကိုတို့နှစ်ယောက် ဟိုဘက်မှာလိုက်စစ်လိုက်အုံးမယ်။” 

“ဟုတ်ကဲ့အစ်ကို” 

ဟုမျိုးသူကပြောကာ လှေကားကိုယူ၍မျက်နှာကျက်ပေါ်သို့ တက်ခဲ့လေသည်။ 

မျိုးသူမှာ တစ်ဝမ်းတစ်ခါးအတွက် နိုင်ငံရပ်ခြား၌ သူများတွေမလုပ်ချင်သည့် Pest Control ဆိုသောအလုပ်အား လုပ်ကိုင်နေရသူဖြစ်လေသည်။ အမှန်တော့ သူဒီအလုပ်တွင် မပျော်ပိုက်ပါ။ အကြောင်းကား ပါဏာတိပါတာကံကို နေ့စဉ်နှင့်အမျှ ကျူးလွန်နေရသည်ကတစ်ကြောင်း၊ ပုရွက်ဆိတ်၊ ခြင်၊ယင်၊ ပိုးဟတ်နှင့်ကြွက်တို့အား အစုလိုက်အပြုံလိုက် သတ်ဖြတ်ရသည်ကတစ်ကြောင်း စသည့်အကြောင်းကြောင်းတွေကြောင့်ပင်ဖြစ်သည်။ ဒီအလုပ်ကထွက၍ တစ်ခြားသောအလုပ်လုပ်ရန်ကလည်း အခုခေတ်ကြီးတွင် မလွယ်ကူလှပေ။ 

ထို့ကြောင့် ဒီအလုပ်ကိုပဲ ကြိတ်မှိတ်လုပ်ကိုင်ခဲ့ရာ အခုဆိုရင် နှစ်နှစ်တင်းတင်းပင်ရှိခဲ့လေပြီ။ သို့သော် သူ့တွင်အပိုအလျှံဆို၍ ဘာမျှမရှိခဲ့ပါလေ။ တစ်လတစ်လရသောငွေများအား ခြိုးခြံခြွေတာ၍ ယူထားသောအကြွေးအားဆပ်ခြင်းဖြင့်သာ နေရလေသည်။ 

ထိုသို့ကိုယ့်အကြောင်းကိုစဉ်းစားမ်ိလေ စိတ်ညစ်ရလေမို့ အလုပ်တွင်သာစိတ်နှစ် ၍လုပ်မည်ဟုစဉ်းစားရင်း မျက်နှာကျက်ပေါ်ရှိ ခိုင်မာသောတန်းများကို ရှာနင်းကာ ကြွက်ထောင်ချောက်များအား လိုက်လံစစ်ဆေးလိုက်သည်။ တစ်ခုသောကြွက်ထောင်ချောက်တွင် လှုပ်ရှားရိပ်လိုလို မြင်လိုက်သဖြင့် ခပ်သွက်သွက်လျှောက်သွားရာ…

ဒုတ်….. 
ဝုန်း!!!

ဆိုသည့် အသံနှင့်အတူ မျိုးသူတစ်ယောက် ထောင်ထွက်နေသောတန်းအား တိုက်မိကာ အောက်သို့ဇောက်ထိုးကျသွားလေသည်။ မြေပြင်နှင့် ထိလုချိန်တွင် လက်ဖြင့်လှမ်းထောက်လာရာ ကျချက်ပြင်းလှသဖြင့် လက်မှာသွင်သွင်ကျိုး၍ အရှိန်ဖြင့်မြေကြီးပေါ်သို့ မေးစေ့ဖြင့်ထပ်ကျသွားလေရာ မျိုးသူခမျှာ မေးစေ့အား အောက်မှပင့်ရိုက်သကဲ့သို့ ပြင်းစွာသောဝေဒနာကို ခံစားလိုက်ရလေသည်။ သို့သော် သတိကားလွတ်မသွားသေးချေ။ 

ထိုအချိန်တွင် လူတစ်ယောက်ပြေးလာကာ

“ညီလေး၊ ညီလေး ဘာဖြစ်သွားသေးလဲ”

ဟုမေးကာ အခြေနေကိုကြည့်လေသည်။ မျိုးသူမှာ စကားပင်ပြန်မပြောနိုင်လောက်အောင် နာကျင်လှသဖြင့် ညီးတွား၍သာနေရလေသည်။ ထို့ကြောင့် ထိုလူကပင် လူနာတင်ယာဉ်ခေါ်ကာဆေးရုံသို့ ပို့ပေးခဲ့ရသည်။


နောက်တစ်နေ့နံနက်တွင် အထွေထွေဆေးရုံကြီး၏ တစ်ခုသောထောင့်ရှိ ကုတင်ပေါ်တွင် ချုပ်ရာတွေဗလပွ၊ ပတ်တီးတွေအဖွေးသားနှင့် မျိုးသူတစ်ယောက် ဝေဒနာကိုအံကြိတ်ခံရင်း လှဲ၍သာနေလေသည်။ အမှန်တော့ အံမကြိတ်နိုင်ပါ။ အဘယ်ကြောင့်ဆိုသော် မနေ့ကကျခဲ့သော အရှိန်ကြောင့် အပေါ်ရှေ့သွားလေးချောင်းနှင့် အောက်သွားတစ်ချောင်းမှာ ဆုံးရှုံးခဲ့ရလေသည်။ ကျန်သွားများမှာလည်း နေရာရွေ့သွားသဖြင့် ဆရာဝန်များက ကြိုးစား၍ စတီးကြိုးများဖြင့် ဖမ်းဆွဲကာ ထိန်းထားပေးသည် ဟုသိရသည်။ ညာဘက်လက်မှာလည်း သွင်သွင်ကျိုးသွားသည်ဖြစ်ရကား စတီးချောင်းထည့်မှရမည်ဟု ဆရာဝန်များကပြောကြားသွားလေသည်။ 

ထိုအချိန်တွင် မျိုးသူရင်ထဲ၌ ရွှေ၊ ငွေ၊ ဥစ္စာ နှင့် စီးပွား ဘာဆိုဘာမှမလိုချင်တော့ပါ။ သူအလိုချင်ဆုံးမှာ သူ့အမေတိုက်သော ရေတစ်ခွက်နှင့် သူ့အဖေ၏ အားပေးအပြုံးလေးကိုသာ လိုချင်နေမိသည်။ ရင်ထဲမှာလည်း 

“အမေရေ..............”

“အဖေ သားကိုလာကြည့်ပေးပါအုံးဗျာ........” 

ဟုသာ ကြေကွဲစွာအကြိမ်ကြိမ်အော်နေမိတော့သည်။ ဘယ်လောက်ပင်ရင်ထဲကအော်အော်၊ ဆန္ဒတွေဘယ်လောက်ပြင်းပြင်း၊ သူ၏မိဘများကတော့ သိနိုင်မည်မထင်ပါ။ ထို့ကြောင့် မိဝေးဖဝေးဖြင့် အားငယ်စွာ မျက်ရည်ကျနေရုံမှတစ်ပါး အခြားမရှိတော့ပေ။ 
 
မျိုးသူကဲ့သို့သောသူများ ဘယ်လောက်များတောင် ရှိခဲ့လေပြီဆိုတာကတော့ လောကကြီးမှတစ်ပါး မည်သူမှသိနိုင်မည်မထင်။

8Yar
30th Aug 2011

Friday 26 August 2011

နေရာ

ဒီနေ့ဘလော့တွေလိုက်လည်တော့ သူငယ်ချင်းတွေဖြစ်တဲ့ ကန်ဒီ နဲ့ သမီးစံ တို့ဆီမှာ Blog Day အတွက် Post တင်ထားတာဖတ်ရပါတယ်။ ကန်ဒီ ကကျွန်တော့ကို Tag ပြီး၊ သမီးစံ ကတော့ ကျွန်တော်တင်ထားပြီးသားမို့မ Tag တော့ပါဘူးလို့ဆိုပါတယ်ခင်ဗျာ။ ဘယ်လိုပဲ ဖြစ်ဖြစ် ကျွန်တော့ ဘလော့မောင်နှမတွေနဲ့ ကျွန်တော်ကို Tag ထားတဲ့ ဘလော့ကာ အစ်ကို၊ အစ်မတွေ အားလုံးကိုလေးစာတာကြောင့် ဘလော့ဒေး အတွက် ကဗျာတိုလေး ကြိုးစားရေးပြီး တင်လိုက်ပါတယ် ခင်ဗျာ။


နေရာ

တကယ်ပါ
မရောက်ဖူးရင် ခေါ်ပြလိုက်ချင်
မိတ်ဆွေစစ်တွေ ရှိတဲ့နေရာ
 
တကယ်ပါ....
မမြင်ဖူးပေမယ့် ခင်ဖူးရင်
တစ်သက်မမေ့မဲ့ သူတွေရှိတဲ့နေရာ
 
တကယ်ပါ....
ပေးချင်ယုံသက်သက်နဲ့
အတွေးတွေကို ကောက်ကြောင်းဆွဲ
နှလုံးသွေးတွေကို လက်နဲ့ရေးတဲ့နေရာဟာ
ငါတို့ ဘလော့ကာတွေရဲ့ တည်နေရာ....။    ။
 

ကောင်းသောနေ့လေးဖြစ်ကြပါစေ။
8Yar
26th Aug 2011

Wednesday 24 August 2011

သစ်ခွ အယ်(လ်)ဘမ်




တစ်ရက် သူငယ်ချင်း က “Botanic Gardens ကိုသွားရအောင်” လို့ပြောတော့ 

 

“အာ... သွားချင်ပါဘူး။ နေလည်းပူတယ်။ ဘာမှလဲမရှိပဲနဲ့“ ဆိုပြီးသိသရောင်ရောင်ပြောလိုက်တယ်။ အမှန်က အဲဒီကိုတစ်ခါမှ မရောက်ဖူးပါဘူး။ 

 

ဒါပေမယ့် သူငယ်ချင်းကလည်း မလျှော့သောဇွဲနဲ့ ထပ်ပြောတယ်။ “လိုက်ခဲ့ပါကွာ ဖြူဖြူကျော်သိန်း ကိုလိုက်ပို့မလို့” တဲ့။

 

စိတ်ထဲမှာတော့… တိန်! တေပါပြီ… မလိုက်ရင် အဲဒီတစ်ယောက်ပါးစပ်နဲ့တော့တွေ့တော့မှာပဲ.. လို့ စဉ်းစားမိတယ်။ ဖြူဖြူကျော်သိန်းဆိုတာက ရန်ကုန်ကလာလည်တဲ့ သူငယ်ချင်းတစ်ယောက်ကို ပေးထားတဲ့နာမည်ပါ။ အသားမည်းလို့တော့ မဟုတ်ပါဘူး။ စကားပြောရင် ဖြူဖြူ့လိုခပ်သြသြပြောတတ်တာကြောင့် ပြောင်ပြီးခေါ်တဲ့နာမည်ပါ။ 

 

သူငယ်ချင်းကဆက်ပြောတယ် “အဲဒီမှာ Orchid Garden ရှိတယ်။ လိုက်ခဲ့ပါကွာ” 

 

Orchid Garden ရှိတယ်လည်းကြားရော 8Yarတို့ အကြောပေါင်းတစ်ထောင် ဆန့်သွားတယ်။ ဘာဖြစ်လို့လည်းဆိုတော့ 8Yarငယ်ငယ်က ကြီးလာရင် အေးအေးချမ်းချမ်းသစ်ခွစိုက်ပြီး သစ်ခွခြံကြီးနဲ့နေမယ်လို့ ရူးသွပ်ခဲ့သူပါ။ အဲဒီတော့ သစ်ခွသံကြားရင် အနြေ္ဒကမရချင်ဘူး။ :P

 

အဲဒီလိုနဲ့သွားဖြစ်ကြတယ်ဆိုပါတော့။ ချိန်းထားတာကမနက် ၁၀နာရီ၊ တကယ်တမ်းရောက်လာကြတော့ ၁၁နာရီခွဲသွားပြီ။ 8Yarတို့ကားမှတ်တိုင်မှာ မျှော်တော်ရောင်ဘ၀နဲ့ ၁နာရီခွဲလောက်နေလိုက်ရတော့ လူကအီလည်လည်ကြီးဖြစ်နေတော့တာပေါ့။ 

အဲဒါကို အလိုက်သိတဲ့သူငယ်ချင်းနှစ်ယောက်က “သူငယ်ချင်း ni cow lar?” တဲ့။
ကိုယ်ကလည်း “Cow မဟုတ်ဘူး၊ Human Human” လို့ ဘုတောတော့  နှစ်ယောက်သား ခွက်ထိုးခွက်လန် ရီကြပါလေရော။ 

သူငယ်ချင်းက “မင်းကလည်းကွာ စိတ်ဆိုးစရာမရှိ စိတ်ဆိုးနေပြန်ပြီ၊ ငါတို့က မြန်မာစံတော်ချိန်နဲ့ ပြောတာလေ” တဲ့။ 

စိတ်ထဲမှာတော့ “ဟွန့် ဒီနှစ်ကောင်တော့ နာချင်နေပြီ”
သူငယ်ချင်းတွေဆိုတော့ အဲလိုချစ်ကြတာ။

အမှန်တော့ စိတ်မဆိုးပါဘူး။ သက်သက်ညစ်ကျယ်ကျယ်လုပ်လိုက်တာ။ အဲဒီလိုနဲ့ Botanic Gardens ကိုဝင်လိုက်တယ်ဆိုရင်ပဲ အတွဲတွေရော၊ မိသားစုတွေပါ ဟိုတစ်စု ဒီတစ်စုမြင်ရပါတယ်။ ကျွန်တော်တို့ကတော့ Orchid Garden ကိုတန်းသွားဖြစ်ပါတယ်။ သစ်ခွတွေလည်းတွေ့ရော 8Yarတို့ လှစ်ခနဲဆိုပြေးပြီး ဓာတ်ပုံရိုက်တာ ဖြစ်ချင်တော့ ဓာတ်ခဲကသိပ်မကျန်တော့ဘူး။ ခုနကသူငယ်ချင်းတွေကိုစောင့်ရင်း သီချင်းနားထောင်လိုက်တဲ့ အကျိုး လေ…

ကိုယ့်မှာသစ်ခွတွေကို မြင်နေရပြီးမရိုက်လိုက်ရမှာစိုးလို့ တိုးဝှေ့ပြီးရိုက်လိုက်တာ ဘေးကProfessional Camera သမားတွေကတောင် ဘုကြည့်ကြည့်ယူရတဲ့ အထိပဲ... :P

အဲဒီတုန်းက ရှိတဲ့ Camera လေးကို မြန်မာပြည်ကအိမ်ကိုပို့လိုက်လို့ ကျွန်တော့ ဖုန်းလေးနဲ့ပဲရိုက်ခဲ့ရပါတယ်။ 

ကျွန်တော့ရဲ့ အသဲအသန်ရိုက်ချက်တွေက ပန်းကြိုက်တဲ့သူတွေကို ကျေနပ်စေမယ်ဆိုရင် 8Yar တို့ တေပျော်ပါပြီ အဲလေ! ပီတိဖြစ်ရပါပြီ...  ကဲခံစားကြည့်ရအောင်နော်။




















ကောင်းသောနေ့လေးဖြစ်ကြပါစေ။
8Yar
24th Aug 2011

 မှတ်ချက် - တင်ထားသောပုံများထောင့်တွင် 8Yar အမည်မပါသည့် ပုံများမှာ Google မှရှာဖွေထားကြောင်း ဝန်ခံပါသည်။

Sunday 21 August 2011

Blog day

Blog day အတွက် အစ်ကိုအောင်(ပျူနိုင်ငံ) က ဘလော့ လောကတစ်ခုလုံးက ဘလော့ဂါ အားလုံး
ကို တက်ဂ်(tag)
လိုက်တော့ ကျွန်တော့လိုပါမွှား Bloger လေးက ငါလဲပါပြီကွဆိုပြီး မာန်လေးတင်းကာ Post တင်လိုက်ပါတယ်ခင်ဗျာ။

အမှန်တော့ ကျွန်တော့မှာရေးစရာ များများစားစားမရှိပါဘူး။ အကြောင်းက ကျွန်တော်Blogerဖြစ်တာ သိပ်မှမကြာသေးပဲကိုး။

မှတ်မှတ်ရရကျွန်တော်စပြီး ဖတ်ဖြစ်တဲ့Blogကတော့ Royal-Myanmar ပဲဖြစ်ပါတယ်။အဲဒီကနေမှ အံ့သြတကြီးသိလိုက်ရတာက Onlineမှာ မြန်မာBloger တွေရှိတယ်ဆိုတာပါပဲ…
အဲ့ဒါနဲ့ Google Search မှာသွားမွှေတော့ အားပါးပါး နည်းတဲ့Blogတွေ မဟုတ်ဘူး။ 8Yarတို့က စာတွေ့ရင် ဘာတွေ့တာကျနေတာပဲ။ ပျော်တာအရမ်းပဲ။ ဘယ်ဘ၀ကစာငတ်လာလဲမသိ…ဟီး။ ကိုယ့်အကြောင်းကိုတော့ သိပ်မပြောရဲဘူး :P ဒါပေမယ့် ကျောင်းစာဆိုရင်တော့ မသိခြင်ထောင်ထောင်… အဲလေ! မသိချင်ယောင်ဆောင်နေတတ်တယ်။ :)

ကျွန်တောတို့ ယောင်္ကျားလေးတွေက သိတဲ့အတိုင်းပဲ နည်းပညာ၊ ကလိစရာ လေးတွေကို ပိုစိတ်ဝင်စားကြတယ်။ အဲဒါကြောင့် သွားဖြစ်တဲ့Blogတွေက နည်းပညာBlogတွေများပါတယ်။ အဲဒီတုန်းက သွားဖြစ်တာတွေက မောင်စေတနာ မောင်ပညာ၊ သံလုံငယ်၊ ညီနေမင်း ညီလင်းဆက် စတဲ့ Blogတွေကိုပြဲပြဲစင်အောင် သွားခဲ့ပါတယ်။ အချို့Blog Name တွေကိုတော့ မေ့ကုန်ပါပြီ။ Computerလည်း ဖွတ်ဖွတ်ညက်ညက်ကြေလို့ နောက်တစ်လုံးလဲ ထားရပါတယ်။ :P ဆိုလိုချင်တာက ကျွန်တော့ရဲ့လက်တည့်စမ်းမှုကြောင့် ဖြစ်ပါတယ်။ Bloger အစ်ကိုတို့ကို အပြစ်တင်စကားဆိုခြင်းမဟုတ်ပါ။ ပြဿနာတွေကို မေးချင်၊ ရေးချင်ပေမယ့် ကိုယ့်မှာကမြန်မာလို Typing မရလေတော့ ဒုက္ခ ရောက်ရပြန်ရော… အခုထိလည်းမရသေးပါဘူး။ Post တွေကို Burglish Test Engine ကနေ Type ပြီးတင်နေရတုန်းပါ။ အဲဒီတုန်းက Burglish Test Engine ရှိမှန်းမသိလို့ ရောက်တဲ့Blogတွေမှာ Commentမရေးခဲ့နိုင်ပါဘူး။ အဲဒီအတွက်လည်း အရမ်းစိတ်မကောင်းဖြစ်မိပါတယ်။

အဲဒီလို Blogတွေကို လျှောက်သွားရင်းသွားရင်နဲ့ ဂျပန်နိုင်ငံအကြောင်းရေးတဲ့ Blog တစ်ခုကိုသွားတွေ့ပါတယ်။ အဲဒါကတော့ မ၀ါဝါခိုင်မင်းရဲ့အမှတ်တရလေးများ Blogလေးပဲ ဖြစ်ပါတယ်။ အဲဒီBlogကိုလည်းတွေ့ရော ကျွန်တော့မှာအားကိုးတစ်ကြီးနဲ့ ဂျပန်နိုင်ငံအကြောင်းတွေကို မွှေနှောက်ရှာဖွေခဲ့ရပါတယ်။ ဘာကြောင့်လဲဆိုတော့ အဲဒီအချိန်တုန်းက 8Yarရဲ့ကောင်မလေးက ဂျပန်မှာကျောင်းတက်နေချိန်မို့လို့ပါ။ ကျွန်တော့မှာ Blogဖတ်ရုံနဲ့တင်အားမရနိုင်ပဲ သိချင်တာတွေကို အစ်မ၀ါရဲ့ CBoxမှာသွားအော်မိပါတယ်။ အစ်မ၀ါဟာ မာန်မာနမရှိပဲ ကျွန်တော် မေးသမျှကို စိတ်ရှည်လက်ရှည်ဖြေကြားပေးတဲ့အတွက် ကျွန်တော့မှာအံ့သြ၀မ်းသာဖြစ်ခဲ့ရပါတယ်။ အခုထက်ထိလည်း ကျွန်တော့ကို ပစ်မထားပဲ ဂရုတစိုက်အရေးတယူရှိတဲ့အတွက် အစ်ကိုဥာဏ်နဲ့အစ်မ၀ါကို အရမ်းကျေးဇူးတင်မိပါရဲ့။ ကျွန်တော် Blog ရေးအောင် ပထမဆုံးတိုက်တွန်းခဲ့သူဖြစ်သလို connection အခက်အခဲကြားထဲက ကျွန်တော့ Blog လေးကို လာလာအားပေးရှာပါတယ်။ ဒါပေမဲ့ အစ်မ၀ါတို့ Singapore လာလည်တုန်းက ကျွန်တော်မှာ ကောင်းကောင်းဧည့်ခံနိုင်တဲ့ အခြေအနေမရှိတဲ့အတွက် အခုထိစိတ်မကောင်းဖြစ်ရတုန်းပါ။ ကျွန်တော်ကသာ တာဝန်မကျေတယ်။ အစ်မ၀ါတို့က ကျွန်တော့အတွက် ကာမာကူရ ဘုရားဆင်းတုတော်နဲ့ ပုံတော်လေးကို လက်ဆောင်ပင့်လာပေးခဲ့လို့ ကျွန်တော့အိမ်မှာ တလေးတစားပူဇော် ခွင့်ရခဲ့တာပါ။ အဲဒါကြောင့် အစ်မဝါတို့ကို ကျေးဇူးပါလို့ ဒီ post ကနေ ထပ်ပြောပါရစေခင်ဗျာ။ အစ်မ၀ါBlogကနေ ထပ်သွားဖြစ်တာကတော့ မြရွက်ဝေကိုရန်အောင်စတဲ့ Blogတွေသွားဖတ်ဖြစ်ပါတယ်။

အဲဒီနောက် အစ်ကိုတစ်ယောက်ဖြစ်တဲ့ KZO(Photographer)က မနိုင်းနိုင်းစနေရဲ့Blog ကို ညွှန်ပြပေးခဲ့ တာကြောင့် အလည်ရောက်ဖြစ်ခဲ့ပါ။ တစ်ကယ်ကောင်းတဲ့Blogပါ။ ကျွန်တော်လေးစားရတဲ့ Bloggerတစ်ယောက်ဖြစ်တဲ့အပြင် ကျွန်တော်Blogထောင်ထောင်ခြင်း လာအားပေးခဲ့သူတစ်ယောက်ပါ။

ကျွန်တော် Blogger မလုပ်ခင် ကြားထဲမှာ Blogတွေသိပ်မဖတ်ဖြစ်တော့ပဲ Social Network Siteဖြစ်တဲ့ Forever Friends လေးမှာပဲ ငြိမ်နေမိတာ အတော်ကြာပါတယ်။ အဲဒီSiteကနေမှ ပုံမှန်သွားဖြစ်တာက ကိုပီတာBlog နှင့် ကွန်ပျူဗေဒသုခုမBlogတို့ပဲဖြစ်ပါတယ်။ ကိုပီတာBlogဟာ ကျွန်တော့အတွက် သုတနဲ့ဟာသကို ကောင်းကောင်းပေးနိုင်လို့ အရမ်းသဘောကျနှစ်ချိုက်ရပါတယ်။ ကျွန်တော့Blogစတော့ မသိတာလေးတွေကို စိတ်လိုလက်ရ လာရှင်းပြပြီး ကူညီပေးခဲ့သူပါ။ လာလည်သူအလွန်ရှားတဲ့ ကျွန်တော့Blogလေးကို အမြဲလာနှုတ်ဆက်တတ်သူတစ်ယောက်မို့ ကျွန်တော်လေးစားချစ်ခင်ရပါတယ်။ နောက် ဗေဒသုခုမBlogပိုင်ရှင် ဆရာဦးတင်ဗိုလ်ဗိုလ်ရဲ့Blogလေးဟာ ဗေဒင်ပညာနဲ့ ၇ရက်သားသမီးများရဲ့ ပြဿနာတွေကို အတတ်နိုင်ဆုံးဖြေရှင်းပေးနေတဲ့ နေရာလေးတစ်ခုပါ။ ဗေဒင်ပညာမပပျောက်ရအောင် ရဲရင့်စွာရပ်တည်နေသလို ပညာတွေလက်ဆင့်ကမ်းနိုင်အောင် ကြိုးစားနေသူဖြစ်တဲ့အတွက် အလွန်လေးစားရပါတယ်။

နောက်တစ်ဦးကတော့ ဒီPostကို Tagတဲ့ အစ်ကိုအောင်(ပျူနိုင်ငံ)ပါ။ သူကတော့ အားလုံးသိကြတဲ့အတိုင်း စ္ဆေသရဲ ဝတ္ထုတွေကို စွမ်းစွမ်းတမံ ရေးသားနိုင်သူပါ။ သူ့ရဲ့လောင်သွားနောက်မှာ လည်တဆံ့ဆံ့၊ ရေတငတ်ငတ်နဲ့ ပါသွားသူတွေထဲမှာ ကျွန်တောလည်းတစ်ယောက်အပါအ၀င်ဖြစ်ပါတယ်။ လည်ဆံ့ရတာက Postတစ်ပိုင်းနဲ့တစ်ပိုင်း မျှော်ရလို့၊ ရေငတ်ရတာက ကျွန်တော့ကို Beerမတိုက်လို့ :P (နောက်တာပါ အစ်ကိုအောင်) Blogerတွေကို အဆင့်အတန်းမခွဲခြားပဲ Tagပေးတဲ့အတွက် လေးစားရပါတယ်ခင်ဗျာ။

ပြီးတော့ကျွန်တော့တလေးတစား ဂါဝရပြုလိုသူများကတော့ ကျွန်တော့Postတွေကို Commentလာပေးတဲ့ မဒမ်ကိုးကိုမောင်မျိုးCandyအစ်မငယ်နိုင် နဲ့ စာဖတ်သူများ။ ကျွန်တော့CBoxမှာ လာအော်ကြတဲ့ ဘရဏီ၊ ဇော်သိင်္ခ phothalayCherry၊ chocothazintaikkyithar မိစံသျှင်နေမင်း ကိုအောင်သာငယ် နဲ့ စာဖတ်သူများအားလုံးတို့ကိုပဲဖြစ်ပါတယ်။ ကျွန်တော်ရေးဖို့ကျန်သွားတဲ့Blogerများရှိခဲ့ရင် ညီ၊ မောင်ငယ်တစ်ယောက်လို သဘောထားခွင့်လွှတ်ပြီး Post Commentမှာလာဆူပေးပါလို့ လေးစားစွာပြောကြားရင်း post ကိုဒီမှာပဲ ရပ်နားလိုက်ပါတယ် ခင်ဗျာ။

Blogerများ အားလုံးအားလုံးကို လေးစားစွာ ဂါဝရပြုလျက်
8Yar
21st Aug 2011

Tuesday 16 August 2011

ကျွန်တော် ရောက်နေတဲ့မြို့လေး


ဒါလေးက ကျွန်တော် ရောက်နေတဲ့မြို့လေးပါ။ ကားတွေရှိတယ်၊ ရထားတွေရှိတယ်၊ စားကောင်း သောက်ဖွယ်များနဲ့ ကုန်တိုက်တွေလည်းရှိတယ်။ သာယာလှပတဲ့ ရှုခင်းတွေကို လူတွေက ဖန်တီးပေးထားတယ်။ မြို့ပြနဲ့ကျေးလက်ကို ပေါင်းစပ်ထားတယ်လို့ အခြားလူတွေကပြောကြတယ်။ ဟုတ်ပါတယ် ခေတ်မှီမှုရဲ့ ရုပ်ပြဖြစ်တဲ့ မိုးမျှော်တိုက်တွေကို စိမ်းလန်းတဲ့ သစ်တောထူထူတွေနဲ့ ရောယှက်ပြီး ချပြထားတဲ့ အနုဗိသုကာ ကတော့ အံ့မခန်းပါပဲ။

အဲ့ဒီလို အစစ အရာရာ ရှိနေတဲ့နေရာမှာ မရှိတာက မေတ္တာ...........
လို့ သူများတွေကပြောကြတယ်။ ပြောမဲ့သာပြောရတယ်၊ စနေ၊ တနင်္ဂနွေ နားရက်လေးများ အပြင်ထွက်မိရင် တွေ့လိုက်တဲ့ အတွဲ၊ များလိုက်တဲ့သမီးရည်းစားတွေ၊ တစ်ဦးကို တစ်ဦး ပေးနေလိုက်ကြတဲ့ ချစ်တာတွေ၊ မေတ္တာတွေ၊ အကြင်နာတွေ၊ ဆင်ဆာတွေ ကုန်ပဲ မကုန်နိုင်ဘူး။ ဒီလိုပြောလို့ 8Yar တို့က မနာလိုလို့တော့မထင်လိုက်ပါနဲ့။ အဲ့ဒီလို ကဲတဲ့၊ သဲတဲ့ထဲမှာ 8Yar တို့လည်းပါတယ်။ :P ဆိုလိုချင်တာက ဒီလိုမြင်မြင်နေရတော့ သူများတွေပြောပြောနေတဲ့ မေတ္တာ မရှိဘူးဆိုတာကိုတောင် နည်းနည်း သံသယဝင်လာတယ်။ အမှန်က မေတ္တာ မရှိတာမဟုတ်ပါဘူး။ လူတိုင်းကို မေတ္တာမထားနိုင်ကြတာပါ။ လူတိုင်းအပေါ် မေတ္တာထားဖို့ဆိုတာ အမှန်တော့မလွယ်ပါဘူး။ မယုံရင် ဒီတစ်ယောက်နဲ့ မေတ္တာရှိနေတုန်း၊ နောက်တစ်ယောက်ကို မေတ္တာထားကြည့်ပါလား။ ဟီး.... ရေးရင်းရေးရင်းနဲ့ ဘေးထွက်လာပြီ၊ အဲ့ဒီလို မြို့လေးကို မေတ္တာ မရှိဘူးလို့ပြောသူတွေ ရှိသလို၊ အချို့က Little Europe လို့ပြောသူတွေလည်းရှိပါတယ်။ အဲ့ဒါကြောင့် ဒီမြို့လေးမှာ လူကြီးတွေရဲ့ အရိုးစွဲနေတဲ့ ထုံးတန်းစဉ်လာတွေနဲ့ လူငယ်တွေရဲ့ ရဲတင်းပွင့်လင်းမှုတွေအကြား လွန်ဆွဲပွဲတွေ မကြာခဏဆိုသလို ပေါ်ပေါက်လေ့ရှိပါတယ်။ ဘယ်လိုပြဿနာတွေ ရှိရှိ မြို့လေးကတော့ အေးဆေးတိတ်ဆိတ်စွာ တစ်ရက်ပြီးတစ်ရက် ခရီးဆက်နေလေရဲ့။

ဒီမြို့လေးပိုင်ဆိုင်တာလေးတွေကတော့.......

လှိုင်းပြေပြေလေးတွေ ရှိတဲ့ ကမ်းခြေရယ်၊

လူတွေဖန်တီးပေးထားတဲ့ လှပတဲ့ ဥယျဉ်ရယ်၊

ကလေးတွေအတွက် ကစားကွင်းနဲ့

လူကြီးတွေအတွက် ကစားဝိုင်းတွေရယ်၊

ခေတ်မှီတဲ့ မိုးမျော်တိုက်တွေနဲ့ ခေတ်မှီတဲ့ နည်းပညာတွေကိုလည်း ပိုင်ဆိုင်ပါတယ်။
ဒီလောက်ဆို 8Yar ရောက်နေတဲ့မြို့လေးကို ရိပ်မိလောက်ပြီလို့ထင်ပါတယ်။

ဟုတ်ပါတယ်။
ကျွန်တော်ရောက်နေမြို့လေးကတော့ စင်ကာပူပါ။ ကျွန်တော်တို့ ရွှေမြန်မာတွေ အခေါ်ကတော့ စလုံးပေါ့။ အမှန်တော့မြို့ ဆိုတာထက် နိုင်ငံတစ်နိုင်ငံပါ။ အရွယ်အစားအားဖြင့် အလွန်သေးငယ်တာကြောင့် မြို့လေးလို့ တင်စားလိုက်ချင်းဖြစ်ပါတယ် ခင်ဗျာ။

မှတ်ချက် - တင်ထားသောပုံများထောင့်တွင် 8Yar အမည်မပါသည့် ပုံများမှာ Google မှရှာဖွေထားကြောင်း ဝန်ခံပါသည်။

8Yar

Sunday 14 August 2011

မင်္ဂလာပါ။

မင်္ဂလာပါ။
ကျွန်တော်က 8Yar ပါခင်ဗျာ။ အင်မတန် ကျယ်ဝန်းလှတဲ့ ဘလော့လောကထဲကို မျက်စိသူငယ်၊ နားသူငယ်နဲ့ ဝင်ရောက်လာခဲ့ပါပြီ။ နောင်တော်၊ အစ်မတော်များကိုလည်း ဤနေရာမှ ဂါဝရပြုလိုက်ပါသည်။
ကျယ်ပြောတဲ့ ဘလော့ လောကထဲ့ ခြေချလိုက်တယ် ဆိုရင်ပဲ၊ လတ်ဆတ်သင်းပျံ့တဲ့ လေထုနဲ့အတူ မျက်စိတစ်ဆုံးမြင်ရတဲ့ရောင်စုံ ဘလော့ ရှူခင်းကို ကြည့်ရင်း အံ့ဩ ဘနန်း ဖြစ်ရပါတယ်။ အချို့က ကဗျာတွေနဲ့ကျေနပ်၊ တစ်ချို့က ဒဏ်ရာတွေနဲ့နေတတ်ခဲ့ပြီး၊ တစ်ချို့ကတော့ နည်းပညာတွေပေး၊ အချို့က အတွေ့အကြုံတွေဖလှယ်၊ များပြားလှတဲ့ လူတွေ လက်ချင်းဆက်၊ ကျောချင်းကပ်၊ ရင်ချင်းဆက် အဲလေ! ရင်ချင်းအပ် (ရေးရင်းရေးရင်းနဲ့ စိတ်ကဖောက်ချင်လာတယ်။ ဟီး။) ဆိုချင်တာက သီချင်း ဟုတ်ပေါင်! ဆိုလိုချင်တာက အရာရာကိုအတူရင်ဆိုင်၊ ပြဿနာတွေကို လက်တွဲရှာ (တိန်! မှားပြန်ပြီ) ပြဿနာတွေကို လက်တွဲဖြေရှင်း (များများရေးရင် မှားတာနဲ့ ချောင်းရိုက်ခံရတော့မှာပဲ၊ တိုတိုပဲရေးတော့မယ် ဟီး... :P) လောကကို အကျိုးပြုသူတွေ အများအပြားတို့ကို ကျွန်တော် 8Yar မှ လေးစားစွာနှုတ်ခွန်းဆက်ရင်း မြန်မာဘလော့ လောကထဲကို ဝင်ရောက်ခဲ့ပါပြီ။
ဘလော့ ဖွင့်ပွဲ အထိန်းအမှတ် အနေဖြင့် Google မှမှာယူထားသော မွေးနေ့ကိတ်များဖြင့် တည်ခင်းဧည့်ခံလိုက်ပါသည်။

ဒါက ဘလော့ကာ အစ်ကိုကြီး၊ အစ်မကြီးများ အတွက်

ဒါက ဘလော့ကာ ညီလေး၊ ညီမလေးများ အတွက်


ဒါက ကဗျာဆန်သောသူများ အတွက်

ဒါက ဘောလုံးချစ်သော ကိုကို၊ မမများ အတွက်

ဒါက ပုလင်းကြိုက်သော ကိုကို၊ မမများ အတွက်

အားလုံးပျော်ရွှင်ကြပါစေလို့ ဆုမွန်ခြွေလျှက်
8Yar